ولد الوحيشي في شارع دبي حرب بين ( الشعابيط والشلتت واولاد البلاد )

السلام عليكم ورحمة الله وبركاته

اخوتي المصرقعين كيف حالكم ( شحال طيبين )

ان شاء الله بالف خير وكل عام وانتم طيبين وعيدكم مبارك وعساكم من عواده

المهم انخش في الموضوع طول موضوعي يحكي المظاهر والشكل الخارجي للشاب في ليبيا في عام 2006

اخترت العنوان ( ولد الوحيشي في شارع دبي ) تخايلت نفسي من منطقة الوحيشي ( المحيشي )على قول المصرية



واني مولود غادي وعايش غادي اكيد طبعا عارفين ليش نضرب المثل علي الوحيشي

الاخوة الي في ليبيا اكيد عارفين ما فيش داعي انحظوا تعريف منطقة للوحيشي والناس الي فيها

لاني ممكن نظلم ناس وهذا سبب الموضوع ليش لو القيت واحد من منطقة الوحيشي تستحقروه يا الليبيين

او ممكن المعاملة تتغير او توصفوه بانه ( شلتت ) علي قول اولاد شارع دبي او ( شعابيط )

ليش هذا كله ممكن ايكون الشاب هذا خير منك واول حاجة لانك استحقرت بني ادم زيك زيه

مش كلنا والاد ادم المهم

والسبب كله في الموضوع مروري بشارع دبي ولاحظتى منظر غريب عطاني لمحة غريبة علي ناس

يحكوا على جو الركاحة وجو انك ولد بلاد ما عليش ممكن تعريف لولد البلاد ما نبيش كم تعريف وكم

وجهة نظر في تعريفه نبي تعريف واحد لانه الموضوع حساس وما يبيش مجاملة ولا تقاسم في وجهات

النظر لانه يحكي علينا نحنا شباب ليبيا وشابات وطبعنا اللي تغير واجد .

انا ما نحكيش عن نفسي بس انا من منطقة زواوة الكل عارفها لما تحكي مع واحد اتقوله من زواوة

(ههههههههههههههههههههههههههههههههههههههههههههههههه هههههههههههههههههه )

هذا الي بيقوله اكيد او يهزا عليها مع احترامي للبعض تلقاه ايقولك انا من منطقة راقيه

وايقولك ( صقع عليك ) مسكين والله ممكن حد ايعرفلنا المنطقة الراقية او معنى كلمة راقية في

المعجم العربي :thinking: .

يعني هو من حي الدولار او من شارع دبي او من الفويهات او من طابلينو على حسب رايه انه منطقة راقية


تعالوا انقوللكم حاجة بيني وبينكم والله ( ما في منطقة راقية في ليبيا :secret: )

المهم خلونا انردو لموضوعنا تو

ولد الوحيشي اللي هو انا افتراضا

كنت ماشي في شارع دبي انوصل في واحد غادي في الليل تقريبا الساعة 1 في الليل

المهم شفت شباب ماشاء الله ( حليون وبلابل ) وجوهم حلو ومتجمعين في كل ( شوكة )

الله منظررررررررررررررررررررر ( جميل ) بس ليش زعمك متجمعين الكم الهائل من شباب ليبيا

والله واجدين بكل ما نقدرش انقدرهم بس واجد لو يقعدوا تحت امري الله انقوللهم هي ونمشي بيهم

لمكان وانقوللهم نبي نحتل المكان هذا تعرفوا ما حد يقدرنا واجدين قتلكم ولا انبني بيهم مسجد

ما ياخذش مننا وقت بكل عالسريع في نفس اليوم ما تطيح الشمس الا وهو يذن

قتلكم واجدين والله واجدين باهي ..

وفجأة اخيه بكل اعيه بكل حشاكم سمعت كلمة من واحد عيط لواحد من بعيد كلمة فجعتني بكل انا وخوي

كلمة صحتني من الحلم الي كنت نحلم فيه والجو لالي كنت نتمنى اني انكون مع الشباب هظم ومكسد

معاهم كلمة بكتني :145: بجد بكتني ووجعتني صدمتني كلمة خسارة والله خسارة يا ريتني ما سمعتها

بكل كان صبر لين طلعنا من الشارع بس والله انا عارف ليش هم قاعدين بس ما كانش لازم نسمعها

خسارة والله شباب اين شباب مع احترامي لكم ( حيوانات ) [ انمل ] .....

طبعا الكل عارف ليش متجمعين الشباب مش بفايدة ولا تكسيدة مع باقي الشلة بس

طبعا للمعاكسات معقولة هظوم هم اولاد البلاد هظوم هم اولاد المناطق الراااااااااااااااااااااااقية


خطرها عالراقية بيش تعرفوها لنا باهي

انردوا للمعاكسات لبنات الناس

خطرها علي بنات الناس مش باينات في شارع دبي القيت وحدات شكلهن والله اعلم مش من ليبيا

لا يا ودي ولله ما ضني من ليبيا مغتربات بس من اين بلد مش عارف

لبسهن غريب مش محتشم بكل بكل مش عارف من اي دولة هن بس لا تي مش من ليبيا

امنيتي نعرف من وين بس اكيد من دولة غير اسلامية

اكيد واكيد قانونهم ليس كقانونا وشريعتهم مش القران الكريم حاجة تدوخ هالبنات من وين جايات

اولاد البلاد اللي عابية عليهم البلاد زييييييييييييييييييييييييييييييييينه البلاد ومنظرها شبابها

وجهها قدام الاجانب ركزها عمودها الفقري كيانها وجدانها بلااااااااااااااااا خريطت واجد صح

باهي تو مش كلامهم اللي ايقولوا فيه وين راح ( شعابيط وشلتت ) وهذا شلتوت


والله لو جاهم واحد من الوحيشي كيف ما فرضت انا والحمد لله تفكيري واعي مش كيفهم

وخطم عليهم مش بيقولوا عليه شعبوط وشلتوت انا شعبوط وشلتوت هذا شرف لي يا ابناء البلاد

عيبه منكم ولله معقولة هذي نظرتكم لخوتكم في ليبيا وهذا تفكيركم يا ابناء 2006

باهي انتم شنو كان هظوم شعابيط وشلتت الحمد لله انا من ازواوة ونعرف تقريبا اغلب شبابها

بس ايه كدا :clap2: يعني الكلام هذا ما يطلعش منهم والحمد لله بفضل من ربي اني جيت في هالمنطقة

والله كلهم خوتي باهي وكل حوش هو حوشي في المنطقة

المهم هذا كان هو تفكيرهم انه الشعبوط والشلتوت

خطرها نبوا تعريف للشعابيط والشلتت باهي علشان نعرفوا ويعرف االجميع من الشعبوط والشلتوت

وتعريف لولد البلاد باهي


خلاص انذكركم نبي تعريفات لمجموعة من المصطلحات

ولد البلاد :

الشعابيط والشلتت :

كلمة راقية :




السلام عليكم ورحمة الله وبركاته

طبعا انا ذكرت شارع دبي لاني شفت فيه بصراحة عدد كبير من الشباب

اللي كيف ما قلتلكم شنو ممكن ايديروا لو تلاقو

المهم الشباب اللي شفتهم مش من شارع دبي لاني نعرف فيهم وحدين

هم كوكتيل من السلماني ومن ازواوة والوحيشي والفوهيات

خليط من شباب بنغازي

بس انا نحكي على شباب بنغازي كلهم او النوعية هذي مش كلهم قصدي هذه النوعية

اللي تعرف او تعرف عن نفسها بانها بلابل والشعر سابل