|
آخر مواضيع صرقعه
|
|
|
|
منتدى صرقعه |
|
||||||||||
| الصرقعة و التحشيش العآلمي نكت محششين نكت صرقعة مواضيع نكته مضحكة تحشيشية وناسة وإقلاع و فرفشة ،هبآل بلاآ حدود (ممنـوع دخــول العاقليــن هع) |
 |
|
|
أدوات الموضوع | تقييم الموضوع | انواع عرض الموضوع |
|
#1
12 / 06 / 2008, 02 : 01 PM
|
||||
|
||||
شوفو كيف اتصرف ليلة الدخلة؟؟
يقول واحد من الشباب (( طبعاً يتخيل المسكين )) : ليلة الدخلة دايم دايم دايم ها الموضوع أفكر فيه مشغلني ذابحني قاهرني ليل نهار ونهار وليل وعصر ومغرب وفجر و أنصاص الليالي وااااااه من انصاص الليالي ليلة الدخلة وش بسوي في ليلة الدخلة ؟ وكيف بتصرف ؟ وشلون بتكلم ؟ ووش بقول إن تكلمت ؟ ووشلون بيصيرررر ؟ أسئلة كثيرة ومعقدة أفنيت سنين من عمري أفكر فيها وابحث و أدور عن أجوبة لها وسألت أهل الخبرة بس لين اللحين ما عرفت شي خلوني أقولكم وش قصدي من القصة طبعاً العلم عند الله بس هذي بعض تخيلاتي وتصوراتي للي بيصير لي لليلة دخلتي خطبت وبعدها تملكت حلو وجا يوم العرس و تسبحت ( سباحة استثنائية بالعادة بس في الأعياد ) وفركت جسمي بالليفة وفرشت سنوني ونعمت و كديت قذلتي وحددت شنبي وقصصت أظافري ( عشان ما امخش البنت ) 2 ولبست الملابس الداخلية وبعدها طقيت لك ثوب العرس الكشخة ولا أرضى بأقل من ثوب الدفة طبعاً عريس وبعدها صكيت القلابي و بيحمر وجهي كالعادة 1 ولبست الطاقية الزري ( وععع) وفوقها شماغ العقل أبو 15 و فوقه عقال منتف وأخيراً لبست آخر قطعة وهي البشت و أكيد إني متسلفة من واحد من الربع أما بفصل واحد بذاك المبلغ عشان ليلة معصي 9 و بتجي أختي الكبيرة الله يطول لي بعمرها ( قولوا آمين ) وتبخرني و تصبصب علي من أنواع الأطياب وبتقول " ما شاء الله عليك حارسً يحرسك يا خوي كلك ملح وقملة اقصد قبلة و بتجي جدتي وبعد ما تتبكبك شوي ( الفلم الهندي زي العادة ) بتقول هي بعد " ولااااااااك يخزي العين شو ما احلااااااااك يا بيزاا " ( حشى وراها قلبت لبنانية ؟) لا بتقول " مبروك يا يابعد عمري والله عشت وشفتك عريس عقبال ما أشوف عيالك عرسان) وطبعاً بيتخلل كلماتها هذي دموع و مشاهق ووقفات لمسح الدموع با لشيله ثم المتابعة و بينقصنا صوت ربابة عشان يكمل المسلسل يعني شغله المهم تبخرت وركبت في سيارة اخوي ( كراسيدا 95 جي ال) أكشخ موتر عندنا طبعاً بركب ورا و أبوي بيركب قدام ولو أبو العريس و ادهرت الصوالين تحمل باقي الحريم وما يحتاج طبعا صياح البزارين ولجتهم هذا بيركب قدام وهذا يبي يجلس عند الدريشه و ذوليك قالبين المرتبة الأخيرة فرع لملاهي الحكير وأنواع الصياح و ذيك تجلد في البزر عشان يوقف عن الصياح ( هذي اللي لين اللحين ما فهمتها عجبي ) ! سرت القافلة أو الموكب وبدو طبعا المخابيل يضربون بواري بسياراتهم ( ددسن 85 و هايلوكس 88) وعلى بالهم يسون لي زفة وفضحونا بسياراتهم ( من زين السيارة اللي عاد أنا راكبً فيها ) 9 والربع يحسبون لا صرت في موكب عرس يحقلك تقطع الإشارات وتعكس في الشوارع وتسب وتلعن في اللي ما يفتح لك الخط أنا أصلاً من شفت ضرسه اللي في الواجهة طايح و يقولي توه لبان و أنا غاسلً رجلي منة وصلنا للقصر وأكيد إنه بيكون في جنوب جدة لأني طفران و ماني قد قصور الأفراح اللي بشمال جدة بيعرض اخوي بسيارته عند المدخل و بيجون يركضون أخوان العروس يفتحون لي الباب ( هين كلها شهرين و يتوطون في بطني ) بنزل وبسمع الخنبقه المعهودة " مبروك مبروك منك المال ومنها العيال " بيجي أبو العروس يسلم على أبوي ثم علي و بيجيون اثنين شايلين مداخن البخور ويبخروني بالبخور وأكيد طرف شماغي بيدخل داخل المبخرة و بيحترق زي العادة ومع ها الأجواء الحلوة و الريحه الزينة بيهجمون علي الناس و يحبحبوني و بلقى أنواع السعابيل على خدودي عقبهم والعقال بيطيح أكثر من مرة وطرف بشتي بيوطونة لين يقلب لونه وكل هذا عادي ومستعد له عقبها بيمسكني أبو العروس مع يدي تقل إني أعمى ما أشوف دربي و بياخذني إلى الصالة و بيجلسني على البيست ( طلع ديسكو مهوب قصر أفراح) ههههههههه بيدهرون العيال بالقهوة والواحد منهم لاجا بيصب لي الفنجال بيقعد ينتفض ويرجف من الرهبة >>>ولو هو جالس يصب للعريس ! بيغثوني قهوة وشاهي ومتأكد انه بينكب فنجال قهوة على ثوبي من واحد من ها الورعان لا بارك الله فيهم اللي يصبون عادي حصل خير وعقبها كل شوي جايني واحد يسلم ويحبب فيني و أبو العروس بيسوي فيها فاهم و بيقولي هذا فلان وهذا علان موش مشكله بمشيها له بعدها بيجي رفيق الدرب اللي من الابتدائي أنا و ياه تقولون لزقه جنسون ( ذيك اللي يحطونها العجائز في ظهورهم ) وباقي العيال يستهبلون علي عند ابو زوجتي و يتطنزون علي ويعلقون على شكلي ويضحكون ويستخفون دمهم بس برضو بعديها لهم في اللحظات هذي اخوي بيكون في مطعم البيك يشتري لي ولزوجتي عشاء وغالب الظن بيكون بروست حراااااااق وخلافة و لا يهون عصير أبو طبقات و بعدين بياخذ العشاء ويودية لشقتي ويحطه في المطبخ بعد ما يغطيه بقماش في القصر بيقوم أبو العروس ويرفع رأسه و كرشته ويرفع شماغه ويقول بصوت عالي للضيوف " يا الله تفضلوا يا جماعة على قل الكلافه العشاء جاهز وهذي والله الساعة المباركة اللي خلتنا نشوف و جيهكم الطيبة بيقوم أبوي ويروح عني بعد ما يسلم علي و بيجي أبو زوجتي و بيوشوش في أذني و بيمسكني مع يدي مرة ثانية ( صار يمون بقوة ) و بياخذني غالباً مع الباب الخلفي للقصر عشان نوصل للغرفة اللي عروستي بتكون جالسة فيها ( سندريلا على غفلة ) طبعاً بتجيني أم الركب و بتنافض وبحس بدوار البحر ( إيه لأني في جدة جنب البحر ) وحرارتي بترتفع والعرق بيبدأ يصبصب وصلنا للغرفة وفتح الباب بعد أن يقول العبارة اللطيفة " افتح يا سمسم " بينفتح الباب و بيدخل و بيجرني معه ووجهي بيكون لونه ازرق + احمر و اتصور إنه بيطلع في وجهي لون جديد بس مدري وشو بالضبط 7 7 بدخل و بلقى عروستي واقفة ولابسة الثوب الأبيض والشرعة على الرأس وماسكة باقة ورد بيدها و أكيد إنها بتكون منزلة رأسها " طبعاً هذي أول مرة أشوفها " و أكيد إنها بتعجبني طبعاً " بنت " هههههههه المهم جنب المخلوق الرقيق اللي هي عروستي بتكون فيه وحدة واقفة جنبها من فصيلة الثديات مكرشه بس كنها شرانيه و بتناظرني بقرف وودها تذبحني ليش ما ادري هذي هي حماتي أم زوجتي بجي مدرعم وبسلم و بعدين بروح لحماتي و أحب رأسها والله يعيني على ريحه الحنة اللي برأسها بجي عقبها اسلم على زوجتي و بتلخبص مدري أبوسها و إلا لا ؟ أخاف إني أبوسها ويجلدني أبوها 0 بس الظن ماني معطيها بووووسة البوسة بعدين بعدين خخخخخخخخخخ بيطلعون أمها و أبوها بعد ما تقعد تقرقر أمها بالكلام اللي مال امة داعي وهو " حط بنتي في عيونك " و إلا خذ هذي " ترا بنتي هذي أغلى ما عندي و أبيك تحطها بين عيونك " وهي عندها غير ذا البنت خمس وكل ما أعرست وحدة قالت نفس الكلام ! المهم طلعوا وصرنا لحالنا أنا وزوجتي وبتمر الثواني كنها أيام علينا وحنا ساكتين هي تعفط في ثوبها وتكسر أصابعها و أنا ما غير أغير شخصية الشماغ مرة أحطة فوووق ومرة أرجعة ورا وفي الأخير الظاهر بصك اللطمه بيدخل أبوها علينا ويقول يا الله بتروحون لبيتكم و إلا بترقدون هنا وهو يضحك ( على بالة ينكت عادل إمام على غفلة ) أكيد بضحك و بقهقه مسموعة مجاملة له هو و كرشته اللي تقلولون كيس شعير وبقوم أنا وهي وبتلبس عباتها و بنطلع لسيارتي و أكيد بتكون الكريسدا بتاعة اخوي يمديه رجع من المطعم ولبق سيارته في الكراج وخلا مفتاحها عليها شغلت السيارة وجت بتركب زوجتي و بتجلس ساعة هي وثوبها المنتفش ووردها اللي معها و بالأخير بينصك بابها وبدق الريوس واطلع من القصر متأكد في اللحظة هذي اخوي وباقي العيال بيكونون في سياراتهم و بيلحقوني على بالهم بيهبلون بي و يبهذلوني ! و بيوقفون جنبي عند الإشارة والله من زين الأشكال اللي يطالع ويضحك علي و اخوي بيزيد على صوت المسجل و بيرقص سامري على بالة فرقة متحركة بس بعطيهم أشكل و بيروحون في حالهم عاد حنا مازال الصمت مخيم علينا في السيارة سوى صوت بعيد بالعافية يسمع خارج من سماعات السيارة وكان صوت بشير شنان يغني وصوت المراويس و فله الحجاج والعالم الله اخوي نسى يطلع الشريط لأنة مجنون بشير بسوي فيها عاقل وبصك المسجل و بلتفت على المدام لعل وعسى يبدأ الكلام بيننا طبعاً ما راح أشوف شي غير السواد وبقول مو مشكلة في البيت نسولف على راحتنا وصلنا البيت وفتحت باب الشقة وولعت اللمبات وقلت لها تفضل يا عروسه نورتي بيتك ( أسلوب صح ) وبتدخل بحياء ممزوج بدلع على شوية شطة ( صارت شاورما ما هي آدمية ) 1 فصخت العباه ووقفنا في الصالة وريحه العشاء فايحه في كل مكان وخصوص الثوم مع إني بكون محرص على اخوي قلهم بدون ثوم بس يا الله بقوم أفرجها على الشقة مع العلم أنها قد جتها قبل يوم أنها تجيب ملابسها وعفشها و كالعادة بكون مسوي جرد على كل شي جابته عقب ما يطلعون من الشقة خخخخخخخخخ بعد الفرجة بتميلح اثناء الفرجة و أحط تعليقات مضحكة محاولً استخفاف ثقل دمي رجعنا للصالة وقعدنا فيها واقفين ! يا ربي وش نسوي اللحين ؟ بقول اوووة العشاء نسينا العشاء ههههه وبضحك كذا هههههه ( يا شيني ) 2 بروح للمطبخ أجهز العشاء وفي اللحظة هذي بتتكلم أخيراً وبتقول آاااا لا لا استرح أنا أجهز العشاء بكل تأكيد كل صواميلي بتنحل بعد كلامها ذا بتنح شوي وبقول لا والله ما تروحين الليلة ليلتي وبسوي كل شي بنفسي أنتي عروس ما تسوين شي أنتي بس تآمرين ( آاااة يا مصلحجي لك غرض ) و جيك متجهة المطبخ وبكون لين اللحين ما فصخت بشتي من زود الثواره وقلة الدبره تعشينا وكني أشوف شكلي و أنا أتعشى مسوي نفسي فاهم وآكل با الشوكة والسكين و أنواع الحوسه والخبال وكل ما جيت امسك شي بالشوكة طارت من صحني واستقرت على فستانها وكني اسمع صوت الأكل اللي بيطلع من فمي و أنا آكل الحمبص و بيبقى شوي حمبص على أطراف فمي زي العادة وزين انه ما وصل خشمي شي بعد وهي بتآكل أكل نمل ابد بتقعد تقطع من ذا الخبز و تاكله من زود الحياء ( أو يمكن بتحوم كبدها من طريقة أكلي ) وجا وقت العصير وبشرب أبوة كله و بقعد أتفنن بشرب آخر قطرة في الكاس بالشفاط وبتطلع ذيك الأصوات المزعجة ( جغغغ غررر جغغغ) الحمد لله عاد العشاء وخلصنا و لميته و ماعد أشوف قدام عيوني غير سيجارة طالعة من بكت مالبورو ابيض تناديني تعال تعال يا شاطر بس المشكلة لا البنت ولا أهلها يدرون إني أدخن أكيد بكون كاذبً عليهم و قايل لهم إني مبطل الدخاااان بس اللي براسه شي بيسويه بقولها " اوووة نسيت أوراق مهمة في السيارة وبروح أجيبها بس دقيقة وراجع " بطلع و أمخمخ على ذيك السيجارة وبرجع و بتفاجأ إنها لين الحين بفستانها ؟ طيب و بعدين ؟ بنقضي الليل وحنا مشخصين بثيابنا أنا ببشتي وهي بفستانها بفكر و أفكر بطريقة المح فيها لها على إنه خلاص عاد يا الله بنقابل التلفزيون شوي وبعدها ببدأ أتثاوب ( يعني فيني النوم ) إن كأنها ذكية فهمت بس أحس إن زوجتي بتكون غبية فعشان كذا فكرت بطريقة ثانية إلا وهي بقول لها " ما ودك ننام " على طووووول سؤال مباشر من خط 18 خخخخخ بتتخربط البنت و بيقلب لون وجها لعدة أشكال و بالأخير بتقول " تونا بدري خلنا نسولف " بعدها عاد تدرون الباقي هههههههههه.. تفكيره غريب..^_^ ملطووووووووووش لعيونكم...
|
|
#2
14 / 06 / 2008, 33 : 01 PM
|
|||
|
|||
رد: شوفو كيف اتصرف ليلة الدخلة؟؟
يتراوالي انه دام محتاس كل هذي الحوسه معناته اسبوعين ماراح يطلعون من البيت والسبب ان الشاب اللطيف للحين ببشته وبنت الناس للحين بفستان العرس الي عليه اكل وانواع الشسمه ههههههههههههههههههههههههههه يعني تي تي تي تي مثل مارحتي جيتي هههههههههههههههههههه يسلموووووو يا قلبي الصراحه فله ههههههههههههههههههههههههههههههههههه
|
|
#3
14 / 06 / 2008, 35 : 01 PM
|
||||
|
||||
|
رد: شوفو كيف اتصرف ليلة الدخلة؟؟
ياحليلهم خخخخ يسمو عالمرور
|
|
#4
14 / 06 / 2008, 53 : 03 PM
|
||||
|
||||
|
رد: شوفو كيف اتصرف ليلة الدخلة؟؟
الله يعينها على زوج زي كذا مفصول الخدمة............................. 
|
|
#6
16 / 06 / 2008, 35 : 05 PM
|
||||
|
||||
|
رد: شوفو كيف اتصرف ليلة الدخلة؟؟
اه ده كله والله عينى اتفعصت وانا بقرا قرئت يجى تلت اربع الموضوع وحبه من تحت بس تصدقى والله فرحانه فيه الغبى ده ان ربنا رزقه بوحده زى دى يختى د عنيه ورمت وانا بقرء قصته بس تصدقى حلوه عشان منك وتسلم ايدك يا شربات
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | تقييم هذا الموضوع |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | مشاركات المنتديات |
| هل تفعلينها ليلة الدخلة | لا تحزن | صرقعه القصـص الواقعيه والقصص الخياليه | 5 | 19 / 07 / 2009 04 : 09 PM |
| هل تفعلها ليلة الدخلة ؟ | العالمي 11 | صرقعه القصـص الواقعيه والقصص الخياليه | 1 | 10 / 10 / 2008 24 : 01 AM |
| قصة حقيقية...............دموع فتاة في ليلة الدخلة | الصبحى | صرقعه القصـص الواقعيه والقصص الخياليه | 6 | 19 / 03 / 2008 41 : 02 AM |
| محاورة بين شاعر وشاعرة (( ليلة الدخلة )) | العتيبي1 | شاعـــر وشاعــرة صرقعـه | 1 | 02 / 09 / 2007 17 : 12 AM |
| ليلة الدخلة | الاستثمار | ميدان الحرب العالمية بين البنيـــّـات والصبيــّـان | 8 | 07 / 05 / 2007 23 : 07 PM |
) الــ ع’ــزهـ 
العرض العادي
